"YARIMada" verilişi - Milli Televiziya və Radio Şurası hara baxır?

08 Июня 2017

"YARIMada" verilişi - Milli Televiziya və Radio Şurası hara baxır?

Evdə təsadüfən kanalları çevirərkən ARB TV kanalında bir verilişə - reality şouya baxdım. Baxdım və təəsüfləndim. Şounun tam anlamını anlamasam da (çünki birinci dəfə baxırdım) heç də Azərbaycan mentalitetinə uyğun olmadığının şahidi oldum.

Bir neçə gənc oğlan və qızların iştirakı ilə keçirilən reality-şounun aparıcısı çoxumuzun tanıdığı Ülvira Qarayevadır. Bir evdə yaşayan oğlanlarla qızların çox səmimi görüntüləri, qucaqlaşmalar, öpüşmələri görəndə fikirləşdim ki, yəni, bu doğurdan Azərbaycanlı gənclərdir?! Hamı bir-biri ilə sevgili, əl-ələ, qol-qola gəzir. Səmimi görüntülər də hamısı yayımlanır. Üstəlik qızlar da kamera çəkdiyini görüb gülərək deyirlər ki, bu kadrı kəsərsiniz də... Bir oğlanın verilişdəki eks sevgilisi ilə yeni sevgilisi mübahisə edir və s.

Oğlanlar bir yana, qızların valideynləri, qohumları yəni bu verilişə baxmır??? Ruslardan, türklərdən niyə yaxşı nümünəvi verilişləri, hərəkətləri götürmürük? Ancaq pis nə varsa onu götürürük. Azərbaycanın müasirlik anlayışı bundan ibarətdir ki??? Bu verilişə uşaqlar, yeniyetmələr baxsa yəqin ki fikirləşəcəklər ki normal olan da elə budu. Heç olmasa başqa millətlərdə bu tip verilişləri görəndə deyirdik ki, ayıbdı, Azərbaycanda belə olmaz, Azərbaycanlı belə olmaz. İndi kimə nə deyəsən ki???

Hər şey bir yana, Milli Televiziya və Radio Şurası hara baxır? Vaxtilə aparıcı Zaur və Gunayın, Elgiz və Ülviranın apardığı evlilik verilişlərini bağladılar ki mentalitetimizə uyğun deyil. Onların heç olmasa niyyətləri bəlli idi ki, evləndirmə xarakterli idilər. Bu verilişin heç niyyəti bəlli deyil. YARIMada reality-şousu onlar.az saytının təşkilati dəstəyi ilə yayımlanır. Təəsüfdən başqa heç nə deyə bilmərəm. Təəssüf...

1945

Войдите что бы оставить комментарий

Об этом отзыве еще нет комментариев. Будьте первыми!

Последние отзывы категории - Телевизионные программы

"Survivor" proqramını böyük maraq və həyəcanla seyr edirik