Həm pratik, həm də dadlı bir börək reseptini paylaşmaq istəyirəm

25 Мая 2017

Həm pratik, həm də dadlı bir börək reseptini paylaşmaq istəyirəm

Evə qonaq gələndə nə hazırlayım deyə fikir edirik. Həm dadlı həm də tez hazırlanan yeməklər belə anlarda köməyə çatır. Quru yemək kimi süfrəyə öncədən qoymaq üçün börək hazırlamaq olar. Sizinlə tez-tez hazırladığım ətli börək reseptini paylaşmaq istəyirəm.

Bu börəyi hazır lavaşdan hazırlayıram, ancaq evdə adi xəmirdən yayıb hazırlamaq da olar.

Lazım olan ərzaqlar:
10 dənə iri lavaş
1 stəkan qatıq
0,5 stəkan süd
0,5 stəkan duru yağ
2 yumurta
300 qram çəkilmiş mal əti
zirinc
soğan

İlk öncə ətlə soğan qovrulur üzərinə zirinc əlavə olunur. Qatların arasına çəkmək üçün yumurta, yağ, süd, qatıq qarışdırılır.

Sobanın sinisi yağlanır birinci lavaş qoyulur və adi yağla yağlanır. İkinci lavaş qoyulur və hazırladığımız qatışıqla yağlanır, 5-ci qata qədər eyni hal təkrarlanır. 5-ci qata heç nə çəkilmir və ət bərabər yayılır. Digər 5 lavaş da eyni qaydayla yığılır. Üzəri də yağlanır və çörəkotu səpilir.

180 dərəcədə üstü qızaranədək bişirilir. Nuş olsun.

9794

Войдите что бы оставить комментарий

Об этом отзыве еще нет комментариев. Будьте первыми!

Последние отзывы категории - Рецепты