Bizim tarla Pindjur salatı - sanki tərkibi ancaq bibərdən ibarət idi

25 Декабря 2016

Bizim tarla Pindjur salatı - sanki tərkibi ancaq bibərdən ibarət idi

Buterbrod hazırlayıb yeməyi yəqin çoxumuz xoşlayırıq. Mən də yemək hazırlamağa vaxt olmadıqda mağazadan kolbasa və yaxud hazır banka salatlarından alıram.

"Bizim tarla"nın bir neçə hazır salatını almışam və bəyənmişəm. Bu dəfə isə "Bizim tarla"nın pindjur salatından (yəni, közlənmiş bibər salatı) aldım. Salat 315 qramlıq banka qabdadı. Bankanın ağzını açdıqda iştahaçıcı iy gəlsə də yedikdə heç də elə olmadı.

Bibərin tamı çox idi, həm də süni tam verirdi. Sanki salatın tərkibində bibərdən başqa heç nə yox idi. Bəlkə də salat özü korlanmışdı. Amma istifadəyə yaralılıq müddətində heç bir problem yox idi.

2 dəfə qara çörəyin üzərinə çəkib buterbrod şəklində yedim. Amma günün sonunda mədəmdə turşuluq hiss edirdim. Bu da keyfiyyətin aşağı olmasının göstəricisidir.

Salatın tərkibi belə idi: Qırmızı bibər, badımcan,soyulmuş pomidor, soğan, günəbaxan yağı, duz, şəkər, sarımsaq, askorbin turşusu. Gördüyünüz kimi tərkibi zəngin görünsə də, əslində nə badımcanın, nə də pomidorun tamı gəlmirdi. Sanki köhnə bibər yeyirdin. Ədviyyatını da daha ləzzətli və bol etmək olardı. Bəlkə salata da dad gələrdi.

Pindjur salatını heç bəyənmədim və yarımçıq atdım.

1769

Войдите что бы оставить комментарий

Об этом отзыве еще нет комментариев. Будьте первыми!

Последние отзывы категории - Продукты питания

"Rahat" çərəzli lokumun ağızda əriyən dadı yoxdur