Ev şəraitində hazırlanan paştetin reseptini sizlərlə də paylaşmaq istəyirəm

16 Декабря 2014

Ev şəraitində hazırlanan paştetin reseptini sizlərlə də paylaşmaq istəyirəm

Xeyirli və eyni zamanda dadlı yeməklər hazırlamaq heç də çətin bir iş deyil. Ev şəaritində hazırlanan sadə paştetin reseptini və hazırlanma qaydasını yazmaq istəyirəm.

Bunun üçün lazım olan ərzaqlar:
Toyuq ciyəri – 1 kq
Kərə yağı – lazımi qədər
Soğan - 2 ədəd orta ölçülü
Yerkökü – 2 ədəd orta ölçülü
Bitki yağı

İlk öncə toyuğun ciyərini təmizləmək lazımdır. İki ədəd soğan xırda-xırda doğranır, yerkökünü isə sürtgəcdən keçirmək lazımdır. Əvvəlcə soğanı bitki yağında bir az qovuqduqdan sonra üzərinə sürtgəcdən keçirilmiş yerkökü əlavə olunur. Bir az qızartdıqdan sonra toyuğun ciyəri də tökülür. Lazımi miqdarda duz və istiot əlavə olunub bişirilir.

Soyuduqdan sonra ətçəkən maşından keçirilir, daha yaxşı alınması üçün ətçəkəndən iki dəfə keçirilsə daha yaxşı olar. Çəkdikdə içərisinə az miqdarda kərə yağı qatmaq məsləhətlidir. Daha sonra isə kalka kağızının üzərində çəkilmiş ciyər nazik şəkildə uzununa yayılır və üzərinə eyni qayda ilə kərə yağı çəkilir. Ən sonda isə rulet şəklində bükülərək soyuducuya qoyulur. Bu paştet qan artıran bir yemək kimi çox xeyirlidir. Nuş olsun!

4395

Войдите что бы оставить комментарий

Об этом отзыве еще нет комментариев. Будьте первыми!

Последние отзывы категории - Рецепты

Həm pratik, həm də dadlı bir börək reseptini paylaşmaq istəyirəm