Balqabaqlı blinçiklər – balqabağı sevməyənlər belə birini yesələr, yenə istəyəcəklər :)

25 Ноября 2014

Balqabaqlı blinçiklər – balqabağı sevməyənlər belə birini yesələr, yenə istəyəcəklər :)

Balqabaqdan hazırlanan dadlı təamlar milli mətbəximizin ləziz yeməklərindən hesab olunur. Balqabaq yeməklərini sevməyənlər onun orqanizmə olan faydalarını bilsə ondan vaz keçməzlər.

Balqabağın beta-keratinlə zəngin olması imunitet sisteminin güclənməsi, dəri və qan toxumlarının yenilənməsinə səbəb olur. Balqabaq yeməyənlərə bir asan resept təqdim etmək istəyirəm. Bizim ailədə yoldaşım da, uşaqlarım da onları xoşlamırdılar. Lakin balqabaqlı blinçiklər bu möcüzəvi tərəvəzi onlara sevdirdi.

Reseptə lazım olan inqredientlər:

balqabaq
baş soğan (1 ədəd)
marketdən alınmış yumru
balaca yuxalar
qızartmaq üçün kərə və bitki yağları

Resept belədir:

Balqabaq kəsib, qabığını soyub, kubik formasında doğrayıb və qazana qoyuru.
Üzərinə su töküb bişiririk. Suya bir az duz və zövqə görə şəkər tozu əlavə edirik. Dadlı olması üçün balqabaqlar şirin olmalıdırlar (mən bu cür hazırlayıram).
Bişəndən sonra balqabaqları süzüb, əzirik.
Ayrıca xırda doğranmış soğanı yağda qızardırıq və balqabaq püresinə əlavə edib qarışdırırıq.
Sonra isə aldığımız yuxaları bir-bir götürüb, hər birinin tərs tərəfinə qaşıq ilə balqabaq püresindən qoyub, blinçik formasında bükürük və ayrıca tavanın içində hər iki tərəfini çevirməklə kərə və günəbaxan yağında qızardırıq.

Beləliklə, balqabaqlı blinçiklər hazırdır. Həm dadlı, həm də xeyirlidirlər. Nuş olsun!

4738

Войдите что бы оставить комментарий

Об этом отзыве еще нет комментариев. Будьте первыми!

Последние отзывы категории - Рецепты

Həm pratik, həm də dadlı bir börək reseptini paylaşmaq istəyirəm