"Byt shoes" mağazasındaki ayaqqabılardan razı qalsam da satıcı xanımlardan razı qalmadım!

17 Июня 2014

"Byt shoes" mağazasındaki ayaqqabılardan razı qalsam da satıcı xanımlardan razı qalmadım!

Yay mövsümü alış-verişin ən çox edildiyi bir dövrdür. Yayda al-əlvan geyimlər insanın əhvalını daha da şən edir. Özümə ayaqqabı almalı idim. Xalamqızı özünün də getdiyi bir ayaqqabı mağazasını məsləhət gördü. Mağazanın adı “Byt shoes”dur. Bu mağaza həm Metro parkda, həm də Neftçilər metrostansiyasının yaxınlığında yerləşir. Mən Neftçilər metrosunun yaxınlığında yerləşən mağazaya üz tutdum.

Mağazada çeşidlər boldur, bura həm ayaqqabı və çantalar var. Onu da deyim ki, çantalara 50% endirim var. Bundan başqa elə ayaqqabılarda da endirimlər var.

Mağazada salamımızı alan heç bir satıcı olmadı. Günün günorta çağı xadimə döşəməni yuyurdu, bizə də bərk-bərk tapşırırdı ki, ordan getməyin, burdan getməyin, yumuşam oraları. Bu bəs deyilmiş kimi, satıcı xanımlardan heç biri yaxınlaşıb bizimlə maraqlanmadılar.

Axırda bir ayaqqabını bəyəndim və satıcını özüm çağırmalı oldum. Dedim ki, ayaqqabının tayını versin, xanım da yarım saatdan sonra geri qayıdıb dedi ki, bəs tapa bilmədim. Hələ özünə haqq qazandırır ki, depo çox böyükdür.

Mən başa düşə bilmirəm ki, ayaqqabını taykeşmi almalı idim. Xanım nömrəmizi qoymağı və tapanda xəbər edəcəyini dedi, ayaqqabı o qədər xoşuma gəlməsəydi heç qayıtmazdım, çünki çox əsəbləşmişdim. Axırkı o biri tay da tapıldı.

Mağazadakı mallardan razıyam, keyfiyyətlidir, ancaq satıcı xanımların məsuliyyətsizliyi heç xoşuma gəlmədi. Mağazada o qədər müştəri də olmur ki, deyəm yorğundurlar.

1207

Войдите что бы оставить комментарий

Об этом отзыве еще нет комментариев. Будьте первыми!

Последние отзывы категории - Магазины

"Despina boutique" geyim mağazasında sərfəli endirimlərlə zövqlü geyimlər əldə etdim